好遺憾地，嗰位老師已經喺天堂

【突然諗起一件事，如果嗰位老師仲在世，會有乜反應】
有消息話會清湯，連其他聯網嘅醫院都介備定接收傷者。見到咁，就諗到雨傘運動嗰次金鐘嗰邊清場。當時仲係上數學堂嗰陣用projecter睇CCTVB的電視直播
阿Sir見我哋想睇黑警點清場，嗰陣課程鬆動，佢都冇乜意見，俾同學用老師台嘅電腦播映。當時過半班都望住個投影幕，而阿Sir只係講咗句：喂做數啊！
估唔到喺六年之後，事件又重演。黑警大概係想喺日間清埸，睇佔中時上緊數學堂，依家就上同醫學有關的。好遺憾地，嗰位老師已經喺天堂；佢喺渣打馬拉松出咗事（蘋果新聞有，李姓跑手嗰單），嗰日知道呢個消息之後，匿喺廁所喊咗15分鐘以上。好地地一個人，突然間就....
唔知早上之後會點，但近呢幾日見到香港咁，再加上諗起數學堂睇清場，真係唔好受。果然，歷史總是驚人的相似。