警 - 「我無唔舒服呀！我想返屋企咋！」

灣仔警察總部日前被大批市民包圍期間，一度有救護員奉召到場，送走咗幾位被困喺警察總部裡面嘅人士。一位當晚身在集會現場嘅社工，噚晚就喺Facebook透露，有社工喺跟車期間，喺救護車上面聽到以下嘅對話：

救 - 「你見邊度唔舒服呀？」
警 - 「我無唔舒服呀！我想返屋企咋！」

唔怪得警方要喺Facebook出post，話示威者阻礙救護車執行任務啦！原來係有人趕住返屋企！

消防處多年來一直都有大力宣傳「切勿濫用救護服務」呢個訊息。估唔到同樣屬於紀律部隊嘅香港警察，居然會咁樣用救護車法！差人做嘢，莫非真係唔使人教？