【懇請各位，係細路面前控制一下言辭】

【懇請各位，係細路面前控制一下言辭】
抱歉，我的內容比較長，但都希望各位睇一下
今日係商場食午飯，有位母親同佢着住幼稚園校服既囝囝一齊，睇住手機新聞之類，之後好大聲講左一個「林鄭,唔死都無用！」係佢側邊既囝囝之後用佢好天真既眼神，笑住咁講「唔死都無用～」，而個家長無作出即時的回應之類，對此我有少少心寒。而類似的事，近期我已經見過唔至一次。

我都反對林鄭、反對修例、反對警方的做法，今次依件事對香港黎講上上下下都好唔開心，我甚至睇電視d畫面，都會心痛落淚。
但小朋友，包括部分中學生、小學生，甚至幼稚園生。佢地未明白今日香港面對緊點樣的問題，點解大家會咁憤怒，佢地只會將聽到返黎的說話，學識左佢，然後成為佢既「說話」。
等同我地避免係小朋友面前講粗口，唔想佢學講。咁大家想像下，你地想小朋友係學校對朋友仔講「你唔死都無用」、「你等天收」、「黑警」之類的說話嗎？我地一齊教小朋友「有咩事唔見左爸爸媽媽之類，要記得搵警察叔叔幫你」、「你地係街拾到錢，唔可以自己攞左去，要交比警察叔叔」之類，今日既我地就係咁係小朋友面前鬧警察係「黑警」，佢地會明白嗎？
我重申我是反對警方的暴力做法，更反對修法。我只希望大家在抒發情緒既時候，避免係小朋友面前用一d太偏激的言辭。我地都唔希望由小朋友口中聽到依d說話，所以避免係佢地面前講咁解。懇請各位🙏