因為來左香港讀書,我先感受到,自由係好重要

我想在此分享一下自己做左27年人既得著
其實我本身係廣東出世,唔係香港土生土長
由於我媽咪係香港人,所以之後我讀緊中學果時來左香港

因為我係單非兒童,加上廣東話有少少口音
所以我受盡班同學歧視,霸凌,老師都唔中意我
我就咁讀到F5之後就唔想再讀書
雖然係咁,但係當年,我學校所教既中史
我到而家都仲好記得中史書既內容
係好多係我大陸讀書果時從未見過
因為來左香港讀書,我先至知,六四係乜野
因為來左香港讀書,我先感受到,自由係好重要
因為來左香港讀書,我感到好羞愧,點解政府可以咁殘忍
因為來左香港讀書,我覺得好憤怒,點解政府要咁對百姓
直到而家,有句野叫"官逼民反",完全顯現曬而家既情況
如果政府真係做野令百姓開心,感覺香港真係一個溫暖的家
我相信,係唔會有103萬香港人走出來遊行
雖然,我唔係土生土長既香港人
但係,香港係睇住我,伴隨住我,照顧住我的成長
香港已經係我既家
同時,香港係我媽咪土生土長既家
所以,我為左我成長既地方,為左我媽咪既家
我去左金鐘,一齊支持,一齊守護我們的家
因為我知道,雖然我明白,做左未必會有將來
但係唔去做,會連將來都無!!!
謝謝香港,是你教懂了我,令我明白
什麼是六四,什麼是自由
什麼是團結,什麼是香港人該做的事
即使要我去死,我也心甘情願!!!
一位無名的90後敬上