王震廷牧師：佢哋都係爸爸媽媽，正如林鄭話佢自己係兩個仔嘅媽媽

經歷過尋日警察以催淚彈、布袋彈、橡膠子彈對付群眾後，相信唔少香港人都相當難過，今朝不少聽眾喊住打來講佢嘅感受，如果你係香港人，你一定明佢哋講咩。
王震廷牧師：
香港人依家要做嘅，我唔贊成暴力，我哋就係動用嘅，係手上僅有嘅權力，就係我哋係嚟緊個兩個議會選舉，就係11月嘅區議會選舉，同埋下一年度立法會議會，我哋依家要發動嘅係，所有有票嘅人，一票不給支持修例嘅政黨同議員，咁樣去施壓。

前兩個禮拜我個女話佢想去，如果佢真係想去，我可以點做？我依家真係好擔心下個禮拜，下個禮拜如果表決嘅時候，唔知會發生乜嘢事。
如果個啲後生仔要去，譬如我個女要去，我作為爸爸一定會陪佢去。如果當其時再有呢啲咁暴力嘅衝突會發生嘅話，我唔敢講到時啲爸爸媽媽會點做法。真係可能會同啲警察死過……嗰個情況係好嚴峻，好惡劣…….所有人都唔想見到呢個局面呀。
我請，我請個班議員，個班在上位嘅人，可以真係去諗下會有乜嘢後果，乜嘢係對我哋城市最好嘅。
佢哋都係爸爸媽媽，正如林鄭話佢自己係兩個仔嘅媽媽，我希望大家真係去諗下，呢班青少年人為乜嘢，諗緊乜嘢。