各位巴打絲打：

各位巴打絲打：
我是石仔，係巴打絲打群組既管理員。我和大家一樣，呢幾日心裡十分難過，更有著一道火。
呢兩星期，「網路媒介」扮演著很重要的角色，就請容許我作為一個係F.B.上有點經驗、亦係香港F.B.界死Group死得最多次、被各種黑暗招數檢舉檢得最多次既管理員，去嘗試解答大家心中一個疑問、甚至不滿。

「點解出Post，管理員唔批準？」
「點解我留左言，個留言會冇左？」
「點解有人個F.B. AC好地地都被封埋？」
我和大家一樣，呢一排見到每日既事，出Post既時候真係唔爆粗、唔用最毒既字眼都表達唔到心中既忿怒。
但最可悲既係，當我地帖文內有粗口、仇恨言論、人身攻擊、甚至Cap人頭像起底.....我地既「對手/$0.3」就好容易向FB成功舉報，個Post就會被Del。明明個Post要傳遞既資訊係好重要，但如果正正因為字眼上犯上所謂既規舉，就被delete，好無天理，亦好唔抵！
以我所知，呢幾日因字眼上出問題被暗暗刪除既Post的確數而百計，甚至連Ac都無埋既巴打絲打都不下100個。同時，我地既管理員後台亦出現問題，唔少帖文都被消失，根本想批都批唔到。就算我想Set返群組為免審批，亦都不能！咁到底咩字眼先會中招，就得FB先知，籠門任佢搬。
說真的，F.B. 言論自由，早已名存實亡！
我唔想大家同啲無謂人/$0.5因一時三刻既口舌之快，搞到個帖文無左令重要既新聞資訊不能被傳遞，連AC都被禁言，甚至有法律問題令你被秋後算帳，所以大家黎緊出Post或者留言既字眼上要「精明」一點..
呢到一直以來設立「帖文審批」制度，其中既原因就係為左配合和討好F.B.既規則，令到有字眼問題違規既Post唔會出到街，大家既戶口可以安全啲，亦可以守護呢個群組。
但我真的忍無可忍了，我地受既言論「制肘」已經受夠了。無數既巴打絲打被Del Post、禁言、封鎖，連我地個群組好地地3個月內都可以死4次，莫需有。用戶想Diu人咪Diu囉，乜野仇恨言論違規呀卜街，郁啲就偷雞Delete人地個Post!
我黎緊最大既「Group務」，係希望為大家找到一條真正有言論自由既「出路」，我亦唔想下下契弟咁款配合F.B.既所謂既規矩，大家亦唔洗擔心郁啲就比人Del左個Post甚至Del Account。係將來可以更暢所欲言，盡情地釋放！
我會努力管理好群組，若有安排不周，還望大家Diu遲半秒，可以先pm我，我盡力而為，感謝🙏
我很相信聚沙成塔的道理，
香港人...真正既香港人，我地要加油。
犧牲的義士，請您安息。
我相信香港人係唔會令你失望！
天佑香港🙏
石仔
巴打絲打系列群組管理員