估唔到要搞第三個追悼會

大家好，又係我
估唔到要搞第三個追悼會

鑑於有唔少嘅抗爭者因社會爭議而情緒受困，導致自殺風潮蔓延。
我相信大家都唔希望再見到類似情況發生！
所以我地呢班仲有餘力嘅人一定要企出黎幫佢哋！

鄔小姐追悼會
日期：7月6日(星期六) 【頭七】
時間：九時正 - 十一時
地點：愛丁堡廣場

屆時希望會
有社工團體自組心理輔導小組到場幫助有需要人士
有心理學家/註冊社工到場教下大家點樣面對逆境
有牧者/基督徒到場領禱告

另外 我自己都自組緊義工隊伍 幫助組織、購買祭祀物資同清理現場
一個人嘅力量好細 希望大家酌量抽時間幫助下我
有心人士請pm我 唔該曬唔該曬
或者你認識上述人士嘅 都可以聯絡我 合作下

由於係宗教聚會 我地無需向警方申請不反對通知書
所以大家可以放心參加
但為防狗隻入侵 各位無需亦都唔好向陌生人(包括義工團隊)交代自己身處過何處
亦都千萬不要報夢
當然 就住社會現況有感受想分享
或者你睇電視直播有感觸 好想講出黎
我係絕對支持嘅
p.s. 個晚應該會落雨 希望大家自備雨傘啦
同埋如果可以的話 盡量黑色衫出席(?)

香港人 要齊上齊落 一齊返屋企啊
星期六晚見